Um vefinn
Um vefinn

Ágætu lesendur.

BTB-myndVefurinn btb.is er vettvangur fyrir mig, Björgólf Thor Björgólfsson, til að miðla til Íslendinga upplýsingum um viðskipti mín á Íslandi og aðkomu að íslensku viðskiptalífi á árunum 2002- 2009. Viðskipti mín og ýmis mál sem tengjast mér hafa verið talsvert til umfjöllunar í fjölmiðlum á Íslandi undanfarin misseri og hefur mér oft fundist að hending ráði hvort það sem fram hefur komið hafi verið rétt eða rangt, - satt eða logið, - allur sannleikur eða bara hálfur eða bara svolítill misskilningur. Hér langar mig að bjóða gestum vefsins að glugga í skjöl og gögn sem fyrir liggja um viðskipti mín á þessum árum. Ég treysti fólki til að draga sínar eigin ályktanir af þessum upplýsingum.

Á árunum eftir 2002 jukust markaðsverðmæti eigna minna á Íslandi hratt. Ólíkt fjárfestingum mínum á meginlandi Evrópu innleysti ég aldrei hagnað af viðskiptum í Kauphöll Íslands. Ég seldi nánast aldrei hlutabréf í þeim skráðu félögum sem ég átti í og því tapaði ég um 70 milljörðum króna við fall íslenska fjármálakerfisins veturinn 2008 – 2009 ef miða á við skráð markaðsgengi í byrjun oktober 2008. Í kjölfarið hafa síðan fallið á mig skuldir og ábyrgðir sem nema um og yfir 30 milljörðum króna og því nemur persónulegt tjón mitt vegna hruns bankakerfisins nærri 100 milljörðum króna. Ég hef einsett mér að nýta sem best reynsluna frá þessum tíma og læra af þeim mistökum sem ég gerði. Til þess að geta það verð ég að horfast í augu við staðreyndir. Draga verður lærdóma af því sem menn gerðu og gerðu ekki til þess bæta það sem fór úrskeiðis og efla það sem fyrir er. Til þess þurfa staðreyndir að líta dagsins ljós. Ég skulda Íslendingum að staðreyndir um viðskipti mín liggi fyrir. Á þessum vef ætla ég að reyna að borga þá skuld.

Björgólfur Thor Björgólfsson







RSS fréttastraumur

Allt efni á vefnum www.btb.is er unnið af Björgólfi Thor Björgólfssyni eða fyrir hann. Hann ber ábyrgð á efni vefjarins og er jafnframt handhafi höfundarréttar.