Andvökunæturnar orðnar margar

Atburðarás 9.-18. mars 2009

02.11.2009 Straumur-Burðarás,

9.3.09	8.01: Skilanefnd tekur Straum yfir. 10. 43: Starfsmenn Straums í Danmörku bíða átekta. 11.11: Thomas Haugaard, hagfræðingur hjá Svenska Handelsbanken í Kaupmannahöfn, segir að með falli Straums Burðaráss séu auknar líkur á þjóðargjaldþroti. 11.54: Straumur lækkar um 99,42% í Kauphöllinni. 11.57: Gylfi Magnússon viðskiptaráðherra segir að fleira hafi komið til en skortur á 33 milljónum evra í lausafé. 13.15: Gunnar Haraldsson, stjórnarformaður FME, segir að ein ástæðan fyrir því að FME tók Straum yfir hafi verið að breska fjármálaeftirlitið, FSA, hafi ætlað að loka dótturfélagi Straums í Bretlandi. 16.07: Gylfi Magnússon, viðskiptaráðherra, sagði á Alþingi í dag að fall Straums myndi væntanlega ekki hafa umtalverð áhrif á fjárhag hins opinbera. Endanlegt mat lægi ekki fyrir en svo virtist sem um 60 milljarða króna innistæður myndu falla undir innistæðutryggingar íslenska ríkisins. Hins vegar ætti bankinn eignir á móti og því benti ekkert sérstakt að þessar fjárhæðir féllu á ríkið. Fall Straums gæti haft miklar afleiðingar í Danmörku, skv. mbl.is. Mbl.is: Fjallað um yfirtöku Straums í Danmörku og Bretlandi.
10. 3.	Morgunblaðið birtir fréttaskýringu um málið, þar sem kemur fram að fulltrúar Straums töldu aðrar leiðir hafa verið færar. Ein slík leið var að ríkið tæki yfir innlánasafn bankans og eignir á móti og setti það í sérstakt félag. Þá hefði ekki þurft að breyta um eignarhald á bankanum. Samkvæmt upplýsingum frá Straumi var bankinn búinn að semja við alla sína lánveitendur nema innlánseigendur. Bankinn hafi verið í söluferli og verið búinn að selja eignir og hefði átt von á frekara fjármagni síðar í vikunni. Dótturfélag Straums í Finnlandi, eQ Bank, starfar áfram þrátt fyrir fall móðurfélagsins og er nýrra eigenda nú leitað, samkvæmt frétt á vef Helsingen Sanomat. Íbúðalánasjóður hefur sent frá sér tilkynningu í tengslum við yfirtöku Fjármálaeftirlitsins á Straumi í gær þar sem fram kemur að fjárhagsleg staða sjóðsins verði ekki fyrir áhrifum frá yfirtökunni.
12. 3.	Lífeyrissjóðir tóku út af innstæðureikningum í Straumi og átti það þátt í að veikja lausafjárstöðu bankans sem að lokum varð honum að falli, skv. fréttaskýringu Björgvins Guðmundssonar í Mbl. Straumur sendir frá sér tilkynningu þar sem kemur fram að „Straumur tilkynnti til Kauphallar um endurfjármögnun á 133 milljónum evra eins og reglur Kauphallar gera ráð fyrir. Straumur sá ekki ástæðu til að tilkynna um viðkomandi veðlán frekar en önnur veðlán sem bankinn hefur tekið hjá Seðlabanka Íslands, enda er slíkt ekki venja hvorki hjá Straumi né öðrum bönkum.“
13. 3.	Það fyrirkomulag að fjárfestingarsjóður í eigu Straums-Burðaráss var undir stjórn félags í eigu Björgólfs Thors Björgólfssonar er hvorki vanalegt né eðlilegt. Þetta segir Vilhjálmur Bjarnason, framkvæmdastjóri Samtaka fjárfesta.
16. 3.	Ásgeir Friðgeirsson, talsmaður Björgólfs Thors Björgólfssonar, segir að Straumur hafi skráð sig fyrir hlut í Novator One í maí 2005, en á þeim hafi Björgólfur Thor og Novator aðeins átt lítinn hlut í Straumi. Hann hafi ekki átt fulltrúa í stjórn Straums og hafi ekki komið á neinn hátt nærri rekstri hans.
18. 3.	Erlendir kröfuhafar Straums munu taka bankann yfir innan skamms þegar endanlega verður leyst úr málefnum innistæðueigenda, samkvæmt upplýsingum Morgunblaðsins. Óttar Pálsson er skipaður forstjóri Straums.