BTB - Fréttir

Gleðileg jól og farsælt komandi ár!

Mon, 24 Dec 2012 13:39:00 +0000

Ég óska lesendum www.btb.is gleðilegra jóla og farsæls komandi árs og þakka ykkur öllum fyrir samskiptin á árinu sem er að líða. Árið 2012 var viðburðaríkt. Ég náði miklum áfanga í skuldauppgjöri mínu við alla lánardrottna sl vor, þegar bandaríska lyfjafyrirtækið Watson keypti Actavis. Enn er nokkuð í að því uppgjöri ljúki, en ég er sannfærður um að ég sjái til lands innan tíðar. Það er mikilvægt að horfa bjartsýnn til framtíðar. Mark Twain komst skemmtilega að orði þegar hann sagði: „Við ættum að einbeita okkur að framtíðinni, það er þar sem við verðum það sem eftir er ævinnar!“

Landsbankinn borgar Icesave

Tue, 16 Oct 2012 12:36:00 +0000

Slitastjórn Landsbankans hefur þegar greitt 677 milljarða króna af forgangskröfum í þrotabú bankans. Upphæðin samsvarar því sem Íslendingar hefðu átt að greiða fyrir síðasta Icesavesamninginn sem gerður var við Breta og Hollendinga.

Eiturefnaúrgangur netsins

Sat, 15 Sep 2012 09:03:00 +0000

Ef fáfræði væri keppnisgrein á Ólympíuleikunum væri riðlakeppnin háð í athugasemdakerfum dagblaðanna, ritaði blaðamaðurinn Mic Wright í pistli á heimasíðu breska dagblaðsins Telegraph á dögunum. Wright fullyrðir að athugasemdaskrif séu eiturefnaúrgangur netsins og þessi skrif hans kalla að sjálfsögðu á ótal athugasemdir – og ekki allar fagrar. Fyrir rúmu ári ritaði Economist um þau stakkaskipti, sem fjölmiðlun hefur tekið á síðustu árum og tók þeirri þróun fagnandi, að fréttir væru nú í æ ríkari mæli ritaðar af þeim sem áður voru eingöngu lesendur, hlustendur eða áheyrendur, the people formerly known as the audience, eins og Economist kallaði það. Tvær áhugaverðar hliðar á sama peningi.

Eiturefnaúrgangur netsins

Fri, 14 Sep 2012 16:02:00 +0000

Rakalaust svar siðanefndar

Mon, 26 Mar 2012 16:32:00 +0000

Ég spurði siðanefnd Blaðamannafélags Íslands að því í síðasta mánuði hvort rangur framburður fyrir nefndinni hefði einhverjar afleiðingar fyrir þann sem yrði uppvís að rangfærslunum og hvort hún teldi ástæðu til að taka mál upp aftur vegna slíks. Siðanefnd svarar aðeins með því að segja að kvörtun mín sé ekki þess eðlis að hún kalli á endurupptöku málsins. Enginn rökstuðningur fylgir.

Engin nefnd og engar skýringar

Thu, 26 Jan 2012 10:44:00 +0000

Forseti Alþingis hefur sent mér skýrt og skilmerkilegt svar vegna spurninga minna um störf rannsóknarnefndar Alþingis og það ber að þakka. Í bréfi forseta kemur fram, að rannsóknarnefndin lét af störfum í apríl 2010, um leið og hún skilaði skýrslu sinni til Alþingis. Þá lýsa nefndarmennirnir þrír, Páll Hreinsson, Sigríður Benediktsdóttir og Tryggvi Gunnarsson, því allir yfir að þeir hafi ekkert tjáð sig við fjölmiðla um skýrsluna. Það er því ráðgáta hvers vegna breska dagblaðið Observer heldur því fram að það hafi fengið skrif sín haustið 2011 staðfest hjá nefndinni. Þá er ekki síður undrunarefni til hvaða „höfunda rannsóknarskýrslunnar“ Sigrún Davíðsdóttir var að vísa þegar hún tilkynnti siðanefnd Blaðamannafélags Íslands að hún hefði grennslast eftir því hjá áðurnefndum höfundum „hver réttur skilningur á umfjölluninni væri.“ Í báðum tilvikum var nefndin löngu hætt störfum og nefndarmenn hafa ekki svarað neinum fyrirspurnum.

Í skjól fyrir hverjum?

Thu, 19 May 2011 18:05:00 +0000

Í frétt Stöðvar 2 í gærkvöldi voru þau ummæli höfð eftir Árna Harðarsyni, samstarfsmanni Róberts Wessman, að ég hafi komið Actavis „í skjól“ á aflandseyju í gegnum net aflandsfélaga. Þar kvað við sama stef og á vef Vísis fyrr um daginn. Ekki fylgdi sögunni hvers vegna hefði átt að vera nauðsyn að koma félaginu í eitthvert skjól eða fyrir hverjum.